September 22, 2018

የኦሮሞ ዴሞክራሲያዊ ግንባር (ኦዴግ) ከኢትዮጲያ መንግስት ጋር ያደረገውን ንግግር ኣስመልክቶ መግለጫ

የኢትዮጵያ መንግሥት ከፍተኛ ልኡካን እና የኦሮሞ ዴሞክራሲያዊ ግንባር አመራር አባላት በሀገሪቷ ከቅርብ ጊዜያት ወዲህ
እየተስተዋሉ የመጡ የማሻሸያ ለውጦችን አስመልክቶ ከግንቦት 3-4፣ 2010 ዓም ውይይት ኣካሄደዋል። የኦሮሞ ዴሞክራሲያዊ
ግንባር በቆየ ፅኑ አቋሙ በመመስረት እነዚህ የማሻሸያ እርምጃዎች እንዲሰፉ፣ እንዲገለብቱና ፣ ጥልቀት እንዲኖራቸው ያለውን
ፍላጎት በድጋሜ ያረጋግጣል። የኢትዮጵያ መንግሥት ልኡካን በበኩሉ በሰላማዊ መንገድ ከሚታገሉት ሁሉ ጋር ለመወያየትና
ለመደራደር ያለውን ዝግጅትና ቁርጠኝነት ኣብስሯል።

ሁለቱም ልኡካን ከኦሮሞ ዴሞክራሲያዊ ግንባር (ኦዴግ) ጋር የተጀመረው ውይይት ለሰፊ ውይይት ፈር ቀዳጅ መሆኑን
ኣስምረውበታል። ገና ብዙ የሚቀር ቢሆንም፣ ኦዴግ በቅርቡ በኢትዮጵያ መንግሥት በተወሰዱት የማሻሸያና የለውጥ እርምጃች
ተበራቷል። በዚህም መሠረት እውነተኛ ፍትሓዊና ዴሞክራሲያዊ ሥርዓት በሃገራችን ዕውን እንዲሆን የሚመኙ በሃገር ቤትም ሆነ
በውጪ ለለውጥ የሚንቀሳቀሱ ሁሉ የትግል ሥልታቸውን እንዲመረምሩና ትግላቸውን በሰላማዊ መንገድ ብቻ ለማካሄድ እርምጃ
እንዲወስዱ ጥሪ ያቀርባል።

ኦዴግ የተጀመሩት የማሻሸያና የለውጥ እርምጃዎች እንዲጎለብቱ ለማስቻል የሚጠበቅበትን ሚና ለመጫወት ዝግጁ መሆኑን
ያበስራል። ይህንንም ለማሳካትና ውይይቱንም ለመቋጨት አንድ የኦዴግ ከፍተኛ ልኡካን በቅርቡ ወደ ሃገርቤት ያመራል።

ፍትህና ዴሞክራሲ ለሁሉም!
የኦሮሞ ዴሞክራሲያዊ ግንባር (ኦዴግ)

Click here for PDF

Comments are closed.